اٹک: ریسکیو1122اٹک نے ڈسٹرکٹ ایمرجنسی آفیسر انجینئر کامران رشید کی زیر نگرانی ضلع بھر کی مختلف یونین کونسل کے ریسکیورضاکاروں کی ٹیموں کے درمیان نیشنل ( سی ای آر ٹی ) کمیونٹی ایمرجنسی رسپانس ٹیم کے مقابلہ جات منعقد کرائے گئے جس میں ضلع بھر سے 7 یونین کونسل کی ٹیموں نے شمولیت کی مقابلہ جات کا انعقاد پی سی بی گراؤنڈ اٹک میں کیا گیا مقابلہ جات میں مختلف شعبہ جات زندگی سے تعلق رکھنے والے افراد ، ریسکیو آفیسرز ، ریسکیو اہلکار اور میڈیا نمائندگان نے بھرپور شرکت کی مقابلوں میں کسی بھی ہنگامی صورتحال میں مریضوں کی درجہ بندی کرنا ، ابتدائی طبی امداد دینا ، آگ لگنے کی صورت میں بروقت کاروائی کرنا ، بلڈنگ گرنے کی صورت میں مریضوں کی تلاش اور نکالنے کی کوشش کرنا ، ڈوبنے والے شخص کو بچانے کا عملی مظاہرہ کر کے دکھایا گیا اس موقع پر ڈسٹرکٹ ایمرجنسی آفیسر انجینئر کامران رشید نے بتاتے ہو ئے کہا کہ ان مقابلہ جات کا مقصد رضاکاروں کو کسی بھی ہنگامی صورتحال میں اپنی مدد آپ کے تحت ریسکیو کے پہنچنے سے پہلے لوگوں کی جان بچانا ہے محفوظ معاشرے کی تشکیل کیلئے ہر فرد یہ عملی تربیت حاصل کرے مقابلے کے اختتام پر شرکاء نے محفوظ معاشرے کے قیام کیلئے ریسکیو 1122 اٹک کی اس کاوش کو خوب سراہا ۔
No comments:
Post a Comment