سلیکٹڈ حکومت اوچھے ہتھکنڈوں پر اتر آئی ہے ملتان جلسہ سے پہلے پی ڈی ایم کارکنوں کی گرفتایارں جمہوریت کی نفی ہے دنیا کی کوئی طاقت جلسہ کرنے سے نہیں روک سکتی موجودہ حکومت کی کشتی آخری ہچکولے کھا رہی ہے:رہنما JUI مفتی کفایت اللہ

اٹک : مرکزی رہنما جمعیت علمائے اسلام مفتی کفایت اللہ نے کہا ہے کہ سلیکٹڈ حکومت اوچھے ہتھکنڈوں پر اتر آئی ہے ملتان جلسہ سے پہلے پی ڈی ایم کارکنوں کی گرفتایارں جمہوریت کی نفی ہے دنیا کی کوئی طاقت جلسہ کرنے سے نہیں روک سکتی موجودہ حکومت کی کشتی آخری ہچکولے کھا رہی ہے بہت جلد قوم کو اس حکومت سے چھٹکارا کی خوشخبری ملنے والی ہے ان خیالات کا اظہار انہوں نے جے یو آئی ضلع اٹک کے جنرل کونسل کے اجلاس سے خطاب کرتے ہوئے کیا قبل ازیں اجلاس سے ضلعی امیر جے یو آئی مفتی تاج الدین ربانی، مولانا محمد نعیم غورغشتی، سید زرغون شاہ، حافظ ہارون الرشید، ملک شاہد، قاضی خالد محمود، مولانا سید بلال بادشاہ، مولانا سید بادشاہ، قاری عبدالروف، مفتی سعید الرحمان، مولانا حامد نواز، مفتی عبداللہ، مفتی سید امیر زمان حقانی، مولانا فضل وہاب اور مولانا شہاب الدین نے بھی اظہار خیال کیا بھر پور شرکت اور کامیاب اجلاس پر ضلعی امیر مفتی تاج الدین ربانی نے اراکین کا شکریہ ادا کیا اس موقع پرمفتی محمودالحسن جلالیہ ، قاری سعید الرحمن بہبودی ، مولانا محمد جان کامرہ ، مولانا سیف الرحمن شمس آباد ، قاری عبد الروف کسری، حاجی زرغون شاہ اٹک ، حافظ ضیاء الرحمن پنڈی گھیب ، حافظ نور الحق جنڈ، حافظ عبد الرحمن سلیم خان اور ابراہیم فانی سمیت ارکان کی کثیر تعداد موجود تھی مفتی تاج الدین ربانی نے کہا کہ ہماری قیادت کی ملتان مصروفیت کی وجہ سے چاہتے ہوئے کسی کو دعوت نہ دے سکے تھے تاہم اللہ کریم کا فضل ہوا کہ مفتی کفایت اللہ کی تشریف آوری سے ہماری وہ خواہش بھی پوری ہوئی ہے انہوں نے ضلع بھر کی تمام تحصیلوں سے آنے والے عہدیداران اور رہنماءوں کا شکریہ ادا کرتے ہوئے کہا کہ انہوں نے تحصیل کے اراکین کو ساتھ لانے کی کوشش کی جبکہ مولانا حامد نواز اور قاری عبد الرءوف اور مفتی سعید الرحمن اپنے ساتھیوں سمیت بہت طویل سفر طے کر کے تشریف لائے ایک فیصلہ یہ بھی ہوا ہے کہ 13دسمبر پی ڈی ایم جلسے کی تیاری کے ایجنڈے پر 13دسمبر سے پہلے تمام تحصیلوں میں تحصیل عمومی کا اجلاس ہو جس میں کوشش ہو گی کہ ضلعی عاملہ بھی شرکت کرے تو تاریخوں کا اعلان ہو تو وہ لاہور جلسے میں بھرپور شرکت کریں گے ۔